صرخة الفقراء... من موجة الغلاء

بسم الله الرحمن الرحيم

والسلام عليكم ورحمة الله وبركاته
هناك مثل لبناني يقول: "قالوا لفرعون ما فرعنك؟ قال لم أجد من يردعني!"... هذه هي سياسة شبه الحكومة أو شبه الدولة كي لا أقول المزرعة اللبنانية أو الغابة اللبنانية, لأنه من الخطأ جداً أن أعطي هكذا نموذج من الحكومات والسلطات صفة "الحكومة" أو "الدولة"... تنكة البنزين اليوم بـ 36000 ليرة لبنانية وهي في تزايد مستمر ولا إجراءات تذكر من الشعب اللبناني ضد هذا الظلم, وطبعاً هذا سيشجع شبه الدولة بزيادة سعر الصفيحة كل أربعاء أكثر فأكثر!!!! إلى متى؟! إلى متى السكوت؟!

ماذا يفعل فقراء البقاع في أزمة غلاء المازوت مع البرد القارس الذي لا يرحم؟ وأنا أتحدى أي نائب أو وزير كائناً من كان أن يعيش كما نعيش! يعيشون في قصورهم وبيوتهم - لا أبقى الله منها حجراً على حجر - بنعيم ودفء وكهرباء, والشعب...؟! يولمون الولائم على حساب الشعب - لا أشبع الله لهم بطناً -, والشعب...؟!

تارة نسمع محكمة دولية وطوراً نسمع قرار ظني وبات جميع السياسيين لا شغل لديهم سوى القرار الظني وباقي السخافات ونسي الجميع هموم الناس ومشاكلهم وفقرهم و"شحارهم"...

إسمع يا سعد يا حريري!
حياتي عندي أغلى من أبيك! وحياة كل أنسان عنده أغلى من أبيك! وحياة أولاده وأهله أغلى من أبيك! ونحن الأحياء الآن أولى من أبيك بالنظر في حاجاتنا! "قرفتونا" بالمحكمة حتى بات لا ينظر أحد إليناً!

لماذا تكلمت عن المحكمة ووالدك دون غيرهما! لأنه مذ قتل والدك, بات شغلكم معرفة المجرمين وفي الوقت عينه أصبحتم أنتم مجرمون من حيث لا تشعرون... تقتلون الشعب كل يوم ألف مرة!

ولكن إحذروا! إحذروا فإن الجوع كافر لا دين له!

إذا الشعب يوماُ أراد الحياة... فلا بد أن يستجيب القدر...

إيه والله معك حق أخي حاج رضوان يعني البلد ما بقى تنطاق العيشة فيه الغلاء المعيشي بازديادٍ مستمر و لا حسيب و لا رقيب لا حكومة ولا وزارات حتى كدنا نقول حكومة المحكمة الدولية و رفيق الحريري....لا حكومة لبنان و شعب لبنان.الحق مش عليهم,الحق علينا نحنا الشعب نحنا لي لازم نتحرّك ضدّهم من دون ما هنّي يدعونا للتظاهر و بحال هنّي دعونا للتظاهر رح يكون عنوانها الغلاء المعيشي بس رح يعطونا شعارات حزبية نرفعها و يعطونا لافتات مكتوب عليها لا للمحمة الدوليّة و نعم لسوريا الأسد و فليسقط إميل لحّود و ثورة الأرز إلخ....يعني باختصار بينسوا أساس الموضوع و بسيسوها دغري هيك تعوّدنا أو هيك عوّدونا و نحنا متل الهبل ماشيين وراهم حتّى صرنا ناكل محكمة دوليّة و نشرب استراتيجيّة دفاعية و ننام نحنا و عم نحلم بحوار وطني تحت سقف رئاسة الجمهوريّة....رفعولنا مرّة شعار ( أنا أحب الحياة) و عهالشوفات عم نكره الحياة أكتر و أكتر و عم نتعلّق بالسياسيين أكتر و أكتر تعصّباً مش أكتر..هيدي الحالة بلبنان بلد الحريّة و الديمقراطيّة القاضية على الشعب يعني شو بتهمنا الحرّية و في شعب عم بيموت الجوع و شو بيهمنا الديمقراطية و الشعب عم ياكل ضرب ورا التاني و بيضحكو علينا بكلمة نحنا منحبكم و إجينا وزرا و نواب كرمالكم...قمة المسخرة والله...و الأضرب من هيدا و كلّو إنّو ما بيكفي المواطن ضربات على راسو حتّى كل شوي واحد هربان من العيشة بلبنان على قرفها و بيصير يعطينا نصايح و دروس من عندهن من البلد الجديدة قال إنو نحنا الحق علينا و لازم نتحرك...صح الحق علينا ما تحرّكنا بس كمان الحق عليك هربت و قعدت تنظّر من برّا و تحكي...كان عنجد بيهمّو كان ما راح و اختار المواجهة بس هوّ لأبدّو يحط غيرو ببوز المدفع و يزبّطلو البلد ليرجع هوّ و يعيش مرتاح على حساب غيرو
....الوضع ما بقى ينطاق و أنا بدعي كل المواطنين يبلشوا تحرّكات من دون غطاء سياسي و يجو المغتربين يدعموا بالفعل مش بالحكي بس هالشعب المسكين لي صار شبعان محكمة و حابب يغيّر عن هالأكلة

mohammad fakih كتب:: إيه والله معك حق أخي حاج رضوان يعني البلد ما بقى تنطاق العيشة فيه الغلاء المعيشي بازديادٍ مستمر و لا حسيب و لا رقيب لا حكومة ولا وزارات حتى كدنا نقول حكومة المحكمة الدولية و رفيق الحريري....لا حكومة لبنان و شعب لبنان.الحق مش عليهم,الحق علينا نحنا الشعب نحنا لي لازم نتحرّك ضدّهم من دون ما هنّي يدعونا للتظاهر و بحال هنّي دعونا للتظاهر رح يكون عنوانها الغلاء المعيشي بس رح يعطونا شعارات حزبية نرفعها و يعطونا لافتات مكتوب عليها لا للمحمة الدوليّة و نعم لسوريا الأسد و فليسقط إميل لحّود و ثورة الأرز إلخ....يعني باختصار بينسوا أساس الموضوع و بسيسوها دغري هيك تعوّدنا أو هيك عوّدونا و نحنا متل الهبل ماشيين وراهم حتّى صرنا ناكل محكمة دوليّة و نشرب استراتيجيّة دفاعية و ننام نحنا و عم نحلم بحوار وطني تحت سقف رئاسة الجمهوريّة....رفعولنا مرّة شعار ( أنا أحب الحياة) و عهالشوفات عم نكره الحياة أكتر و أكتر و عم نتعلّق بالسياسيين أكتر و أكتر تعصّباً مش أكتر..هيدي الحالة بلبنان بلد الحريّة و الديمقراطيّة القاضية على الشعب يعني شو بتهمنا الحرّية و في شعب عم بيموت الجوع و شو بيهمنا الديمقراطية و الشعب عم ياكل ضرب ورا التاني و بيضحكو علينا بكلمة نحنا منحبكم و إجينا وزرا و نواب كرمالكم...قمة المسخرة والله...و الأضرب من هيدا و كلّو إنّو ما بيكفي المواطن ضربات على راسو حتّى كل شوي واحد هربان من العيشة بلبنان على قرفها و بيصير يعطينا نصايح و دروس من عندهن من البلد الجديدة قال إنو نحنا الحق علينا و لازم نتحرك...صح الحق علينا ما تحرّكنا بس كمان الحق عليك هربت و قعدت تنظّر من برّا و تحكي...كان عنجد بيهمّو كان ما راح و اختار المواجهة بس هوّ لأبدّو يحط غيرو ببوز المدفع و يزبّطلو البلد ليرجع هوّ و يعيش مرتاح على حساب غيرو
....الوضع ما بقى ينطاق و أنا بدعي كل المواطنين يبلشوا تحرّكات من دون غطاء سياسي و يجو المغتربين يدعموا بالفعل مش بالحكي بس هالشعب المسكين لي صار شبعان محكمة و حابب يغيّر عن هالأكلة

صرخة مواطن يعاني

عنجد الوضع متل ما قال محمد بالضبط

انشالله بتفرج والله يريحنا من كل هالزعما السياسية بدون استثناء

ما فيهم ولا واحد منيح او بيفش الخلق

شبعونا حكي ووعود

شكراً لك حاج

شكراً لك محمد وانا بهنيك على هالصرخة

تحياتي للجميع

» سعد تيهرب من الغلاء ...أشترى بيسكلات ..حوار مع سعد